МОНГОЛ УЛСАД СУУГАА БҮГД НАЙРАМДАХ ЭНЭТХЭГ УЛСЫН ЭЛЧИН САЙД НОЁН M P SINGH БИДЭНТЭЙ ХУРАЛДЛАА

2021 оны 5 сарын 18-ны өдөр, "ЖУНСОН КОНСТРАКШН" ХХК-н ерөнхийлөгч М.БАТ-ОЧИР  нь Улсын Их Хурлын Гишүүн, Монгол-Энэтхэгийн Парламентийн Группийн дарга Б.САРАНЧИМЭГ, мөн Бүгд Найрамдах Энэтхэг Улсын бүрэн эрхт элчин сайд M P SINGH нарыг оффис дээрээ хүлээн авч уулзсан. Энэхүү уулзалтын үеэр, "ЖУНСОН КОНСТРАКШН" ХХК-н ерөнхийлөгч М.БАТ-ОЧИР компаний нийгмийн хариуцлагын хүрээнд Энэтхэг улсад тохиолдож буй цар тахлын хүнд нөхцөл байдалд туслах зорилгоор Энэтхэг улсын ард иргэдэд 20'000'000 МНТ хандивласан юм.

"ГЭР ЦЭЦЭРЛЭГ" ТӨСӨЛ

Манай компани нь 2016 оноос хойш өөрсдийн ажилчиддаа нийтдээ 5 байр, 8 автомашин, бүрэн тавилгатай Монгол гэр өгч мөн ажилчидынхаа нийгмийн асуудлыг шат дараатайгаар шийдэж байгаа. Мөн өвчтэй, хагалгаа, эмчилгээ шаардлагатай болсон, ядарсан нэгэндээ хандивын аян өрнүүлж буцалтгүй тусламжаар тусалсаар ирсэн бөгөөд бид олон улсын сайн үйлсийн аянг санаачлан өрнүүлдэг "LEADER LIONS" клубтай хамтран ажиллаж Хужирбулангийн 203-р цэцэрлэгийн өргөтгөлийн ажлыг хамт олноороо зохион байгуулж хийсэн. Цаашид ч гэсэн олон нийгмийн халамжруу чиглэсэн ажлыг зохион байгуулахаар төлөвлөн ажиллаж байна.

ШАГНАЛ ГАРДУУЛАХ ЁСЛОЛЫН ЗУРГУУД

СПОРТ, ТАМИРЧИДАА ДЭМЖДЭГ БАЙГУУЛЛАГА

Кувейт улсад зохион байгуулагдсан 2019 оны "ШИДОКАН КАРАТЕ"-ийн Дэлхийн Аварга Шалгаруулах Тэмцээнд оролцох баг тамирчдад дэмжлэг үзүүлсэн бөгөөд тус тамирчид маань дэлхийн аваргаар шалгарсан. Мөн энэ төрөл нь 2020 оны олимпийн төрөлд багтсан юм.

Боксын шигшээ багийн тамирчдад Олимпийн хөдөлгөөний үзэл санааг дэлгэрүүлэх, улс үндэстнээ тив дэлхийн спортын тавцанд сурталчлах, улс түмний хамтын ажиллагаа итгэлцлийг бэхжүүлэх, хүүхэд залуучуудын хөгжлийн асуудалд хувь нэмэрээ оруулах үүднээс мөнгөн хандив өгсөн бөгөөд шигшээ багийн тамирчин Т. БОЛОРТУЯА-г тогтмол цалинжуулж дэмжин ажиллаж байна.